У сеціве завірусіўся ролік з рэакцыяй касіркі з Берасця на падарунак ад пакупніка

Відэа.

У TikTok завірусіўся ролік з рэакцыяй касіркі з Берасця на падарунак ад пакупніка. Высветлілася, што жанчыну ведаюць у Берасці і называюць адной з самых прыемных і мілых касірак у горадзе, піша CityDog.

Відэа, якое называецца «Найлепшая касірка Берасця», знятае ў адной з крамаў сеткі Green. Аўтар відэа піша, што жанчына вядомая шматлікім берасцейцам як адна з самых спагадных працаўніцаў.

Мяркуючы з роліку, жанчына і праўда вельмі ўважлівая і лагодная ў зносінах з пакупнікамі, а ў адказ на спробу падарыць ёй шакаладку бянтэжыцца і адмаўляецца, спасылаючыся на тое, што на працы прымаць падарункі забаронена.

У відэа ўжо 300 тысячаў праглядаў і 10 тысячаў лайкаў, але самае цікавае ў каментарах. Высвятляецца, гэтую жанчыну з імем Таццяна ведаюць у Берасці і кожны раз радуюцца яе дабрыні.

«Таццяна – добры і шчыры чалавек».

«Ой, я яе проста люблю, гатовая кіламетр чаргі адстаяць, каб яна абслужыла».

«З ёй так прыемна. Я вельмі радуюся, калі прыходжу да яе на касу. Добрая, мілая. Вельмі прыемная».

«Яна найлепшай душы чалавек. Кожны раз да кожнага пакупніка ставіцца ўважліва, з клопатам і любоўю. Такіх людзей на планеце амаль няма».

«Самая лепшая касірка ў горадзе Берасці».

«Дзесяць гадоў таму, яшчэ студэнтам, хадзіў толькі да яе на касу».

«Неверагодная. Заўсёды імкнуся да яе стаць, заўсёды пасля яе настрой проста ваў».

І гэта толькі частка каментароў – усяго іх пад відэа ўжо амаль 800.

Прэс-служба сеткі таксама адзначылася ў каментарах: «Нам вельмі прыемна, што ў нашым калектыве ёсць такія спецыялісты».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com