Фон дэр Ляен створыць асобную пасаду еўракамісара ў пытаннях пашырэння ЕЗ

Пытанне пашырэння вярнулася на першае месца ў палітычным парадку дня Еўразвязу.

Прэзідэнтка Еўрапейскай камісіі Уршуля фон дэр Ляен заявіла, што ў новым складзе выканальнага органа ЕЗ з'явіцца асобная пасада камісара ў пытаннях пашырэння.

Пра гэта яна сказала ў прамове на стратэгічным форуме ў славенскім горадзе Блед, паведамляе «Еўрапейская праўда».

Фон дэр Ляен падкрэсліла, што падчас яе першага тэрміну на пасадзе кіраўніцы Еўракамісіі «пытанне пашырэння вярнулася на першае месца ў нашым палітычным парадку дня», і ў гэтым не апошнюю ролю згуляла поўнамаштабная расейская вайна супраць Украіны.

«Мы імкнемся да моцнай, канкурэнтаздольнай і бяспечнай Еўропы, яна ахоплівае Заходнія Балканы, а таксама Украіну і Малдову ў нашым Еўрапейскім Звязе і ўсіх тых, чые еўрапейскія імкненні адпавядаюць іх дзеянням», – адзначыла яна.

Старшыня Еўракамісіі падкрэсліла, што ЕЗ – гэта «супольнасць дэмакратый», таму і краінам, якія імкнуцца стаць яе часткай, давядзецца ўвасобіць неабходныя рэформы і развязаць двухбаковыя спрэчкі.

«Я хачу, каб нашая праца (у пашырэнні. – Рэд.) яшчэ больш паскорылася. У наступным складзе Камісіі пашырэнне павінна стаць сталай працай, якая дазволіць аддаваць яму поўную ўвагу. Менавіта таму я прызначу спецыяльнага камісара ў пытаннях пашырэння. Давайце пісаць гісторыю разам», – абвясціла фон дэр Ляен.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com