WSJ: Пуцін пацярпеў чарговую няўдачу

Спрабуючы перабудаваць сусветны гандаль.

Ва ўмовах эканамічнага крызісу, выкліканага ўварваннем на Украіну, Расея паспрабавала адмовіцца ад гандлю з Захадам і наладзіць новыя сувязі з азіяцкімі дзяржавамі - Кітаем і Індыяй - у абыход санкцый. Аднак пераарыентаваць гандлёвыя дычыненні і маршруты, якія склаліся дзесяцігоддзямі, няпроста, піша The Wall Street Journal.

Так, сёлета ЗША ўвялі новыя правілы, якія падвышаюць рызыку штрафаў для замежных банкаў, якія працуюць з Расеяй. Гэтыя другасныя санкцыі абмежавалі рост гандлю паміж Расеяй і яе новымі гандлёвымі партнёрамі.

Расеіі ўдалося пераарыентаваць пастаўкі нафты

Нафту можна перавозіць па ўсім свеце вялікімі танкерамі, а не па стацыянарных трубаправодах. Такім чынам Расея змагла абысці навязанае Захадам абмежаванне коштаў, перавозячы нафту на так званым ценявым флотам састарэлых танкераў, на якія абмежаванні не дзейнічаюць.

З газам усё ідзе складаней

Большая частка расейскага экспарту газу раней ішла ў Еўропу па трубаправодах. Пры гэтым Расея мае толькі абмежаваныя трубаправодныя магутнасці, якія ідуць у Кітай, і дагэтуль Пекін перашкаджаў ухваленню новага маштабнага газаправода паміж дзвюма краінамі.

Прыродны газ таксама можна звадкаваць і перавозіць на спецыялізаваных танкерах, але магчымасці Расеі ў гэтай галіне абмежаваныя. Акрамя таго, санкцыі ЗША наконт новага буйнога расейскага праекта ў вытворчасці ЗПГ яшчэ больш ускладняюць перспектывы Масквы, піша WSJ.

Затрымкі на чыгунцы запавольваюць экспарт

Існыя чыгуначныя лініі не спраўляюцца з ростам аб'ёму гандлю Расеі з Азіяй. У выніку вугальны сектар, які традыцыйна мае прыярытэтны доступ да чыгункі, апынуўся пад пагрозай з боку іншых грузаў, уключаючы лес, сталь і кантэйнерныя перавозкі. Экспарт расейскага вугалю на ключавы кітайскі рынак і прыбыткі бюджэту, якія ён прыносіць, у апошнія месяцы стагнуюць, адзначае WSJ.

Доступ да рынкаў іншых краін абцяжараны

Масква спадзявалася, што зможа актывізаваць перавозкі праз Паўночны Ледавіты акіян – па гэтым маршруце шлях з заходніх партоў Расеі ў Японію займае амаль 18 дзён у параўнанні з 37 днямі праз Суэцкі канал. Аднак санкцыі ЗША перашкаджаюць магчымасці Масквы атрымаць ледаколы, і са слоў экспэртаў, рост аб'ёмаў грузаў, якія ідуць па гэтым маршруце, у апошнія гады спыніўся.

Расея таксама імкнецца ўдвая скараціць час экспарту на рынак Індыі, выкарыстоўваючы так званы транспартны калідор "Поўнач-Поўдзень" праз Іран. Аднак адсутнасць чыгуначнай інфраструктуры ў Іране, абмежаванні прапускной здольнасці партоў і нявызначанасць з крыніцамі фінансавання затрымліваюць рэалізацыю планаў для стварэння гэтага маршруту, гавораць экспэрты.

Санкцыі супраць Расеі

Рада ЕЗ 24 чэрвеня паведаміла, што зацвердзіла 14-ы пакет санкцый супраць Расеі. Паводле паведамлення, 116 юрыдычных і фізічных асоб патрапілі пад санкцыі. Агулам адзначалася, што новы пакет накіраваны на важныя сектары расейскай эканомікі, такія як энэргетыка, фінансы і гандаль, і абцяжарваюць абыход абмежаванняў ЕЗ.

Акрамя таго, ЕЗ неўзабаве плануе разгледзець пытанне санкцыйнага ліста супраць шэрых гандляроў расейскай нафтай.

Раней ЗША ўвялі санкцыі супраць сеткі з пяці груп і адной асобы за ажыццяўленне плацяжоў паміж Расеяй і Паўночнай Карэяй для падтрымкі вайны супраць Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com