РПЦ: Тэорыя Дарвіна памылковая і павінна быць прыбраная са школьных падручнікаў у РФ

Дзяцей нібыта ўводзяць у зман.

Прапанова па выключэнні тэорыі эвалюцыі Чарльза Дарвіна са школьнай праграмы, агучаная памочнікам старшыні ўрада РФ і экс-прэм'ерам Чачэніі Муслімам Хучыевым, знайшла адабрэнне ў прадстаўнікоў Рускай праваслаўнай царквы, піша TThe Moscow Times.

«Хацеў бы падтрымаць пазіцыю, выказаную...Хучыевым, і згодны, што неабходна выключыць тэорыю Дарвіна са школьных падручнікаў, якая ўводзіць (дзяцей) у зман», - паведаміў РІА «Новости» старшыня Патрыяршай камісіі РПЦ у пытаннях сям'і, абароны мацярынства і дзяцінства іерэй Фёдар Лук'янаў.

Раней намеснік кіраўніка сінадальнага аддзела РПЦ Вахтанг Кіпшыдзэ заявіў, што тэорыя Дарвіна павінна выкладацца ў школах нароўні з рэлігійнымі ўяўленнямі аб паходжанні чалавека.

«Тэорыя Дарвіна, калі размова ідзе аб паходжанні чалавека ад малпы, абсалютна дакладна не павінна выкладацца ў школах як адзіна магчымая тэорыя», - сказаў ён.

Хучыеў заявіў, што тэорыю эвалюцыі Чарльза Дарвіна неабходна выключыць са школьнай праграмы, бо яна «супярэчыць рэлігійнаму выхаванню» і спрыяе «духоўнаму раскладанню» дзяцей. «Мы можам гэта проста прыбраць. Гэта [тэорыя Дарвіна] няпраўда, гэта супярэчыць рэлігійнаму выхаванню, усе рэлігіі гэта прызналі», - сказаў Хучыеў падчас першага пасяджэння Усерасейскага бацькоўскага камітэта. Ён прапанаваў падумаць аб гэтым кіраўніку Мінасветы РФ Сяргею Краўцову.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com