УСУ пад Курахавам спалілі 44 адзінкі тэхнікі РФ
4- 21.09.2024, 11:59
- 7,642
Баявую працу «цмокаў» паказалі на відэа.
Расейскія войскі 12 верасня распачалі маштабную атаку на ўкраінскія пазіцыі ў раёне Курахава Данецкай вобласці, выкарыстоўваючы 46 адзінак тэхнікі, што стала своеасаблівым рэкордам для дадзенага кірунку. А 19 верасня акупанты кінулі ў бой яшчэ больш бронятэхнікі – 52 адзінкі, аднак абедзве атакі цалкам праваліліся, бо ўкраінскія байцы сустрэлі іх шквальным агнём, знішчыўшы большую частку бронемашынаў. Пра гэтыя баявыя эпізоды расказалі аглядальнікі Forbes.
Украінская 46-я аэрамабільная брыгада паспяхова адбіла атакі, ужываючы беспілотнікі з тэрмітнымі боепрыпасамі, артылерыю, танкі і пяхоту. У выніку было знішчана або пашкоджана 44 з 98 расейскіх машынаў, а страты сярод асабовага складу расейскага войска толькі падчас другой атакі склалі 72 чалавекі.
46th Brigade of Ukraine repulsed the biggest assault on the Brigades position. 46 units of Russian AFVs were used in the assault:
— Special Kherson Cat 🐈🇺🇦 (@bayraktar_1love) September 12, 2024
“On September 12, Russians attacked with four waves of assaults from 5:45 a.m. to noon on the positions of the battalions of 46th Brigade. A total… pic.twitter.com/2isXk2j665
На канале Special Kherson Cat у сетцы X было апублікаванае відэа баявой працы ўкраінскіх падраздзяленняў. Аўтары паста ўдакладнілі, што байцы Сілаў абароны 12 верасня знішчылі 15 баявых машынаў, з іх 9 БМП, 2 танкі, 2 БТР і 2 матацыклы, а таксама вывелі са строю 11 БМП.
Стратэгічнае значэнне і запаволенне наступу
Выданне адзначае, што асноўная мэта расейскіх атак на гэтым кірунку – захоп апорнага пункта УСУ ў Пакроўску, які знаходзіцца за 32 кіламетры на паўночны захад ад Курахава. Нягледзячы на мінулыя поспехі ў прасоўванні на гэтым кірунку, расейскія войскі спыніліся ўсяго за 10 кіламетраў ад Пакроўска і не змаглі прадоўжыць наступ.
Паводле ацэнкі Цэнтра абаронных стратэгій (CDS), запаволенне расейскага наступу звязанае з нястачай рэсурсаў для адначасовага вядзення наступальных аперацый на некалькіх франтах, што таксама назіраецца ў раёне Запарожжа і на ўкраінскім выступе ў Курскай вобласці Расеі.
Але сітуацыя ўскладняецца і для ўкраінскага боку. Кіеў змушаны размяркоўваць сілы паміж абаронай на ўсходзе і поўдні і ўласным наступам у Курскай вобласці. Нягледзячы на прыбыццё новых брыгадаў украінскай Нацыянальнай гвардыі, праблема нястачы сучаснай бронятэхнікі для шэрагу падраздзяленняў застаецца актуальнай.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
