Беларуска схадзіла ў аптэку і атрымала 11 гадоў строгага рэжыму

А таксама вялізны штраф.

У сталіцы 39-гадовая жанчына надумала хітра абысці сістэму і набыць лекі з падробленым рэцэптам, але замест жаданых прэпаратаў атрымала вялікі турэмны тэрмін – 11 гадоў і 1 месяц калоніі строгага рэжыму.

Як паведамляюць «Менск-Навіны», гэтая жанчына ўжо была на ўліку ў лекара-нарколага і раней тройчы была асуджаная, у тым ліку за абарачэнне забароненых рэчываў і выкарыстанне падробленых дакументаў. На гэты раз яна надумала падмануць фармацэўтаў: на параду знаёмага раздабыла чысты рэцэптурны бланк, запоўніла яго і скіравалася ў аптэку.

Аднак фармацэўтка, западозрыўшы нядобрае, папрасіла жанчыну пачакаць і выклікала міліцыю. Неўзабаве яе затрымалі, а потым пачалі крымінальную справу за выкарыстанне заведама падробленага дакумента.

Суд узяў да ўвагі ўсе папярэднія злачынствы асуджанай і вынес суровы прысуд: 11 гадоў калоніі строгага рэжыму, а таксама штраф 12 000 рублёў. Акрамя таго, жанчыну абавязалі прайсці прымусовае лячэнне ад наркаманіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com