Беларуская лекарка дала параду, як хутка вылечыць ВРВІ

Увосень адзначаецца ўздым захворванняў на рэспіраторныя інфекцыі.

Беларуская лекарка-тэрапеўтка патлумачыла, як унікнуць і як вылечыць ВРВІ, паведамляе СТВ.

Увосень адзначаецца ўздым захворвання на рэспіраторныя інфекцыі і таму да свайго здароўя трэба быць асабліва ўважлівымі.

Лекарка-тэрапеўтка Кацярына Губіч адзначае, што шмат вірусаў выклікаюць ВРВІ:

– Гэта і вірус грыпу, і каранавірус, і парвавірус, і адэнавірус.

Увосень ВРВІ распаўсюджваюцца таму, што халаднее, а людзі дрэнна выконваюць захады засцярогі, сярод іншага апранаюцца не на сезон.

Неабходна ўжываць захады прафілактыкі. Сярод іншага, рэгулярна і правільна мыць рукі з мылам і вадой альбо выкарыстоўваць антысептычныя сродкі. Яшчэ трэба ўнікаць кантакту з хворымі людзьмі, асабліва ў перыяд эпідэміі.

А каб унікнуць магчымых ускладненняў, неабходна звярнуцца да лекара, таму што пры ВРВІ магчымае далучэнне бактэрыяльнай другаснай інфекцыі.

– Лекаванне ВРВІ ў асноўным сімптаматычнае, – кажа лекарка. – Першае, вядома, гэта шмат цёплага пітва. Хатні рэжым. Пры высокай тэмпературы – пасцельны рэжым. І сімптаматычныя сродкі супрацьзапаленчыя – для зніжэння тэмпературы цела, высокай тэмпературы большай за 38. Ну, і таксама зняцце сімптомаў пашкоджаных органаў. Напрыклад, калі моцная закладзенасць носа, то мы прызначаем судзіназвужальныя прэпараты. Калі сухі, надрыўны кашаль, то мукалітыкі, прэпараты, што разрэджваюць макроцце.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com