СМІ: Першая жанчына-зэчка з РФ на фронце была ліквідаваная пры загадкавых абставінах
23- 28.09.2024, 10:58
- 9,336
Журналісты даведаліся падрабязнасці.
Зафіксаваны першы выпадак смерці на вайне супраць Украіны расейскай зняволенай. Жанчына была завербаваная ў акупацыйнае войска РФ у траўні 2024 года з расейскай калоніі, дзе адбывала турэмнае зняволенне.
Пра ліквідацыю вайскоўкі-зэчкі расказалі рэгіянальныя ленінградскія расейскія СМІ, паведамляе «Дыялог».
У 37-гадовай Алены Піманенкавай вельмі багатае крымінальнае мінулае. Жанчына была асуджаная не менш за 6 разоў, у тым ліку за крадзяжы і пагрозы забойствам. З яе калоніі блізу 60 жанчынаў выказалі жаданне ваяваць супраць Украіны, але адабраныя былі толькі 10.
У расейскім войску Піманенкава атрымала пасаду «стралка-санітаркі». Аднак яна хутка адваявалася. У канцы жніўня сям'і паведамілі, што жанчына памерла, трапіўшы пад машыну ў Белгародскай вобласці.
Сваякі не вераць у гэтую версію. Паводле іхніх звестак, напярэдадні смерці Піманенкавай ім тэлефанаваў невядомы агрэсіўны мужчына і пагражаў «адвучыць ад шкодных звычак» Алену.