Палітолаг: У Расеі з'явіўся нейкі «Прыгожын-2»

Ці будзе другі паход на Маскву?

У жніўні ў публічнай прасторы замільгаў кіраўнік ПВК Паладзін Георгій Закрэўскі, якога называюць «другім Прыгожыным». Аднак наўрад ці ён ці хто-небудзь іншы цяпер здольны арганізаваць падобны мяцеж у краіне-агрэсарцы Расеі. Пра гэта заявіў палітолаг, доктар палітычных навук Максім Разумны.

Падчас чату на «Главред» яму задалі пытанне, ці можа Закрэўскі, які абяцае дайсці да Масквы, стаць «новым Прыгожыным». Эксперт адказаў, што цяпер гэта малаверагодна.

«Наўрад ці можа быць больш паспяховы мяцеж, падобны да бунту Прыгожына, у цяперашніх умовах. Сітуацыя для Расеі не новая. Як мы памятаем, былі Сцяпан Разін, Емяльян Пугачоў і іншыя падобныя персанажы. Але калі імперыя выпрацавала імунітэт і алгарытм пераадолення падобных крызісаў, то наўрад ці яна дапусціць узнікненне больш маштабнай і паспяховай пагрозы. Яны ўжо напалоханыя і будуць заціскаць любыя спробы Закрэўскага», – мяркуе Разумны.

Таксама ён дадаў, што ў Прыгожына, у адрозненне ад Закрэўскага, быў заслужаны «аўтарытэт».

«Увогуле копія не можа быць больш паспяховай за арыгінал. Прыгожын усё ж заваяваў свой аўтарытэт (у крымінальным сэнсе) і стаў міфам, яму ўжо помнік паставілі на Кубані. Ягоныя пераемнікі наўрад ці будуць мець такі запас легітымнасці і даверу», – адзначыў эксперт.

Пры гэтым аналітык удакладніў, што калі будзе крызіс, такіх людзей у Расеі з'явіцца шмат.

«Але, вядома, гэта не значыць, што такія людзі не з'явяцца ў момант крызісу ў Расеі. Іх з'явіцца вельмі шмат і кожны на сваім узроўні», – падкрэсліў Максім Разумны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com