ISW: УСУ нішчаць пантонныя масты расейцаў у Курскай вобласці
1- 3.09.2024, 10:01
- 8,380
![ISW: УСУ нішчаць пантонныя масты расейцаў у Курскай вобласці](https://i.c97.org/ai/458889/aux-head-1647185688-20220313_Arta_360.jpg)
Амерыканскія аналітыкі расказалі аб баях у расейскім рэгіёне.
Кадры з геалакацыяй ад 2 верасня паказалі, што расейцам атрымалася ўзяць пад свой кантроль Вольгаўку, якая знаходзіцца на ўсход ад Коранева ў Курскай вобласці РФ.
Аналітыкі з Інстытута вывучэння вайны (ISW) пацвердзілі факт адыходу ўкраінскіх сіл ад Вольгаўкі. Пры гэтым расейскія ваенкары сцвярджаюць аб поспехах УСУ ў раёне Паграбок і Малой Локні. Каб пазбегнуць акружэння, расейскія войскі адышлі ад гэтых населеных пунктаў.
Z-каналы таксама пішуць аб ваенных аперацыях УСУ ў раёне Коранева, Камароўкі, Вольгаўкі, Крамянога, Мартынаўкі, Вялікага Салдацкага і іншых населеных пунктаў у раёне Суджы.
Напярэдадні расейскія ваенкары таксама пацвердзілі ўдары з боку УСУ па пантонных мастах праз раку Сейм у раёне Глушкава. На Куршчыне ўкраінскім сілам супрацьстаяць акупанты з 30-га мотапалка, 11-й дэсантнай брыгады, 56-га дэсантнага палка, спецназа "Ахмат" і "Дзікай дывізіі Данбаса".