У Беларусі падпалкоўнік страціў пагоны праз сродак для пахудзення

Ён дзейнічаў не адзін.

Суд у Берасці 30 жніўня вынес прысуд тром асобам, прызнаным вінаватымі ў кантрабандзе лекаў амаль на мільён рублёў, паведамілі ў прэс-службе Берасцейскага абласнога суда. Кантрабандысты везлі з Польшчы вядомы прэпарат, які выкарыстоўваецца для пахудзення, і выкарыстоўвалі схему з раздачай тавару, адзначае «Зеркало».

Двое мужчын і жанчына хацелі перавезці з Польшчы ў Расею буйную партыю лекаў "Азэмпік" (Ozempik). Дзеля гэтага яны шукалі тых, хто едзе ў Беларусь, і прапаноўвалі ўзяць з сабой прэпарат нібыта для асабістага карыстання.

"Азэмпик" (Ozempik) - гэта прэпарат, які выпускаецца дацкай кампаніяй Novo Nordisk, для людзей старэйшых за 18 гадоў, хворых на дыябет другога тыпу. Яго вядомае пабочнае дзеянне - гэта зніжэнне вагі. Выпускаецца ў выглядзе шпрыцаў-дазатараў, падобных асадкі.

У выніку ў Польшчы раздалі 378 упаковак “Азэмпіка” агульным коштам звыш 565,5 тысячы рублёў. Яны былі перапраўленыя праз мяжу ў Берасці 18-21 кастрычніка 2023 года. Адна з удзельніц групы плаціла людзям за правоз лекаў, "прымаючы і захоўваючы лекавы прэпарат па месцы свайго жыхарства ў Берасці", паведамілі ў судзе. За гэта яна атрымала ад іншага ўдзельніка не менш за 100 еўраў.

Трэці фігурант таксама збіраў і захоўваў "Азэмпік" у сябе дома ў Берасці. Дзейнічаў паводле той жа схемы з раздачай тавару перад мяжой. Да яго 19-29 кастрычніка была перапраўленая партыя з 254 упаковак коштам 375,1 тысячы рублёў.

На судзе ўсе трое віну ў выстаўленым абвінавачанні прызналі часткова, а трэці абвінавачаны не прызнаў асобных эпізодаў. Акрамя таго, суд прызнаў змякчальнымі абставінамі наяўнасць у жанчыны малалетняга дзіцяці і тое, што яна добраахвотна заплаціла даход, атрыманы злачынным шляхам.

У выніку суд Ленінскага раёна Берасця вынес прысуд аб кантрабандзе лекаў, учыненай групай асоб паводле папярэдняй змовы (ч. 3 арт. 228 КК). Адзін з мужчын і жанчына прызнаны вінаватымі. Першаму прызначылі шэсць гадоў калоніі ўзмоцненага рэжыму са штрафам на 12 000 рублёў, але прымянілі амністыю і скарацілі тэрмін на год.

Жанчыне прызначылі пазбаўленне волі на пяць гадоў з тым самым штрафам, але з адтэрміноўкай выканання прысуду на тры гады. Гэта значыць, калі за гэты перыяд за ёй не будзе лічыцца правапарушэнняў, то ў калонію яе не адправяць. Акрамя таго, суд абавязаў яе не пераязджаць з Берасця без дазволу, не пакідаць горад больш як на месяц, а таксама штомесяц адзначацца ў міліцыі.

Трэцяга абвінавачанага таксама прызналі вінаватым - яму прызначылі шэсць гадоў калоніі ўзмоцненага рэжыму з выкарыстаннем амністыі на адзін год, 12 000 рублёў штрафу, а яшчэ пазбавілі вайсковага рангу “падпалкоўнік запасу”.

Увесь “Азэмпік” быў канфіскаваны.

Прысуд не ўступіў у законнае дзеянне і можа быць абскарджаны і апратэставаны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com