Беларусам варта быць уважлівымі з Wildberries
8- 3.09.2024, 12:06
- 5,856
![Беларусам варта быць уважлівымі з Wildberries](https://i.c97.org/ai/556574/aux-head-1689849298-20230720_wildberries_360.jpeg)
Можна застацца без грошай.
Для выкрадання грошай у грамадзян ашуканцы могуць выкарыстоўваць схему з вядомым маркетплэйсам.
Як БелТА паведамілі ў менскай міліцыі, ашуканцы могуць патэлефанаваць у мэсэнджэры і прадставіцца аператарам сувязі. Грамадзяніну паведамляюць, што з яго тэлефоннага нумара на старонцы ў Wildberries аферысты спрабуюць аформіць крэдыт на якую-небудзь рэч. Далей ідзе пераадрасацыя на нібыта супрацоўніка праваахоўных органаў.
Псеўдасупрацоўнік паведамляе, што ашуканцы адкрылі ад імя патэнцыйнай ахвяры крэдыт у банку і “адмываюць” грошы. З гэтай прычыны ў кватэры грамадзяніна правядуць ператрус, а таксама выключаць усе незадэклараваныя сродкі. Каб пазбегнуць гэтага, аферысты прапануюць перавесці грошы на "спецыяльны рахунак".