Якія спецыяльнасці ў беларускіх ВНУ сталі самымі папулярнымі ў 2024 годзе

Адна з іх - стаматалогія.

Аб выніках уступнай кампаніі 2024 года БелТА расказаў начальнік Галоўнай управы прафесійнай адукацыі Мінадукацыі Сяргей Пішчэў.

Паводле ягоных слоў, на ўзроўні вышэйшай адукацыі самымі папулярнымі сталі «стаматалогія» ў БДМУ, «сусветная эканоміка» ў БДУ і «праграмная інжынерыя» ў БДУІР, прахадны бал на якія склаў 395 з 400.

«Крыху менш, 391 бал, - на спецыяльнасць «практычная інфарматыка» ў БДУ. Але тут ёсць такая асаблівасць, што ў медыцынскія ВНУ сёлета і ў мінулым годзе да 80 адсоткаў дзяцей паступалі на ўмовах мэтавай падрыхтоўкі. Праз гэта колькасць месцаў для паступлення на агульных падставах была невялікай», - распавёў Сяргей Пішчэў.

Таксама чыноўнік агучыў спецыяльнасці з самым высокім конкурсам.

«На спецыяльнасць «графічны дызайн і мультымедыядызайн» Гарадзенскага дзяржаўнага ўніверсітэта імя Янкі Купалы зафіксаваны конкурс больш за 20 чалавек на месца. Таксама, традыцыйна, вялікія конкурсы на IT-спецыяльнасці і на спецыяльнасці ў галіне фізічнай культуры і спорту», - сказаў Пішчэў.

Ён кажа, што конкурс - не зусім аб'ектыўны паказчык папулярнасці спецыяльнасці. «Напрыклад, калі на нейкую спецыяльнасць абвешчана пяць бюджэтных месцаў і дакументы падае 20 чалавек, то конкурс атрымліваецца чатыры чалавекі на месца. А, напрыклад, на спецыяльнасць «лясная гаспадарка», дзе план прыёму на бюджэт 100 чалавек, каб атрымаўся конкурс пяць чалавек на месца, павінны падаць дакументы 500 чалавек», - дадаў спецыяліст.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com