СБУ: Дыверсанты рыхтавалі забойства Дзмітрыя Гардона

Групу дыверсантаў узначальваў былы народны дэпутат.

Служба бяспекі Украіны затрымала сябраў агентурнай сеткі ФСБ на чале з экс-народным дэпутатам забароненай «Партыі рэгіёнаў», якая каардынавала дыверсіі, сярод іншага планавала забойства журналіста Дзмітрыя Гардона.

Усяго, як паведамляе прэс-служба СБУ, у сетку ўваходзілі чатыры чалавекі, у тым ліку былы дэпутат. Усе яны затрыманыя.

Расейская агентура планавала серыю падрываў на чыгуначных рэйках, у тым ліку падрыў аднаго са шляхоў у Кіеўскай вобласці.

Аднак сярод задач таксама быў збор звестак аб украінскіх дзеячах, якія "цікавілі" расейскую спецслужбу, для іх далейшай "ліквідацыі".

Сярод тых, на каго расейскія спецслужбы рыхтавалі заказное забойства, быў украінскі журналіст Дзмітрый Гардон.

Падчас вобшуку ў затрыманых знойдзены і канфіскаваны сродкі сувязі і электронныя прылады з доказамі выведвальна-падрыўной дзейнасці на карысць РФ.

Цяпер усе чацвёра затрыманыя знаходзяцца пад вартай. У залежнасці ад учыненых злачынстваў ім паведамлена аб падазрэнні паводле артыкулаў тэрарыстычны акт, дзяржаўная здрада і дыверсіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com