У Акадэміі навук складаюць спіс тых, хто будзе мець права выходзіць у інтэрнэт

Акадэмікаў, якія стала жывуць за мяжой, могуць пазбавіць звання.

Вядомы навуковец-хімік Сяргей Бесараб апублікаваў у сваім Telegram-канале фрагмент дакумента пад назвай «Пратакол даручэнняў, дадзеных Старшынём Прэзідыума Нацыянальнай акадэміі навук Беларусі Гусаковым В. Г. 2 верасня 2024 г.».

Змест дакумента шакуе. Напрыклад, пунктам 3 прадпісваецца «падрыхтаваць спіс супрацоўнікаў апарата НАН Беларусі на права выхаду ў сетку Інтэрнэт». Таксама вызначыцца з тым, хто з супрацоўнікаў варты гэтага права, прадпісваецца кіраўнікам арганізацый НАНБ.

Дырэктару НПЦ па матэрыялазнаўстве даручана правесці ў сваёй установе мабілізацыю супрацоўнікаў, накіраваную на «актывізацыю працы па стварэнні батарэй для электрамабіля».

Ёсць сярод даручэнняў і адно рэпрэсіўнага характару. Ім прадпісваецца распрацаваць праект дапаўненняў у Статут НАНБ, якія далі б магчымасць пазбаўляць званняў акадэмікаў і чальцоў-карэспандэнтаў, якія «стала пражываюць за мяжой і (або) вядуць дзейнасць, накіраваную супраць Рэспублікі Беларусь і Акадэміі навук Беларусі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com