Дыктатар Венесуэлы на фоне пратэстаў перанёс святкаванне Калядаў на 1 кастрычніка
24- 3.09.2024, 21:24
- 5,858
![Дыктатар Венесуэлы на фоне пратэстаў перанёс святкаванне Калядаў на 1 кастрычніка](https://i.c97.org/ai/574378/aux-head-1701859905-20231204_madura_360.jpeg)
Нікалас Мадура заявіў, што ўжо «адчуваецца калядная атмасфера».
Кіраўнік Венесуэлы Нікалас Мадура на фоне паслявыбарных пратэстаў, якія прадаўжаюцца ў краіне, абвясціў пра перанос даты святкавання Раства на 1 кастрычніка. Пра выданне такога дэкрэта палітык расказаў, выступаючы ў прамым эфіры нацыянальнай тэлевізіі, паведамляе a target="_blank" href=https://english.elpais.com/international/2024-09-03/nicolas-maduro-decrees-advancement-of-christmas-to-october-1-after-gonzalez-urrutia-arrest-warrant.html#>El Pais.
Падчас свайго выступу Мадура, звяртаючыся да жыхароў краіны, заявіў, што «хоць цяпер і верасень, але ўжо адчуваецца калядная атмасфера».
– І таму сёлета, на знак павагі і падзякі да вас, я збіраюся выдаць дэкрэт пра перанос Калядаў на 1 кастрычніка, – сказаў палітык.
Як удакладняе El Pais, напярэдадні Калядаў улады Венесуэлы звычайна павялічваюць размеркаванне дапамогі і харчовых набораў сярод насельніцтва.
Перанос Раства ў Венесуэле – не рэдкасць. Так, напрыклад, у 2020 годзе Мадура абвясціў пра пачатак калядных святаў 15 кастрычніка, а ў наступным годзе перанёс яго на 4 кастрычніка.
Раней улады Венесуэлы выдалі ордар на арышт Эдмунда Гансалеса Урутыя, які быў адзіным кандыдатам ад апазіцыі на прэзідэнцкіх выбарах, якія прайшлі ў краіне і, паводле яе звестак, перамог.
ЕЗ, ЗША і шэраг краінаў Лацінскай Амерыкі не прызналі гэтыя вынікі. Аляксандр Лукашэнка, наадварот, накіраваў у Каракас віншавальную тэлеграму. У ёй ён павіншаваў Мадуру «з чарговай перамогай на прэзідэнцкіх выбарах» і выказаў надзею сустрэцца з ім да канца года.