Олаф Шольц сустрэўся з Уладзімірам Кара-Мурзой

Расейскі апазіцыянер расказаў канцлеру ФРГ пра палітвязняў, якіх трэба вызваляць з турмаў Беларусі і РФ.

Канцлер Нямеччыны Олаф Шольц прыняў у Берліне вызваленага месяц таму са зняволення расейскага апазіцыйнага палітыка і публіцыста Уладзіміра Кара-Мурзу. Пра гэта кіраўнік нямецкага ўраду паведаміў у аўторак, 3 верасня, у сацсетцы X, указаўшы, што захапляецца сілай і мужнасцю Кара-Мурзы і «ягоным нястомным унёскам у справу дэмакратычнай будучыні Расеі».

«У жніўні мы дамагліся ягонага вызвалення ў ходзе абмену зняволенымі, і сёння ў нас была магчымасць пагаварыць адзін з адным даўжэй», – дадаў Шольц.

Сваю размову з канцлерам Нямеччыны Уладзімір Кара-Мурза назваў «важнай, падрабязнай і адкрытай». Паводле ягоных словаў, гаворка ішла «пра Украіну, пра Расею (сённяшнюю і будучую), пра нашу агульную Еўропу», а таксама «пра палітзняволеных, якіх трэба вызваляць з турмаў Расеі і Беларусі».

У сярэдзіне жніўня Уладзіміра Кара-Мурзу і ягоную сям'ю прыняў у Белым доме прэзідэнт ЗША Джо Байдэн.

За крытыку развязанай Расеяй вайны супраць Украіны ў красавіку 2023 года апазіцыянер быў асуджаны да 25 гадоў калоніі строгага рэжыму паводле артыкулаў аб «дзяржздрадзе», «супрацоўніцтве з непажаданай арганізацыяй» і «фэйках» аб войску. 1 жніўня 2024 г. ён быў вызвалены ў рамках маштабнага абмену зняволенымі паміж Расеяй і краінамі Захаду.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com