Беларусь пачала раптоўную праверку войскаў і набор рэзервістаў
12- 30.09.2024, 14:10
- 13,626
Што вядома на гэты момант.
У Беларусі пачаты новы этап праверкі баявой гатоўнасці ваенна-паветраных сіл і войскаў супрацьпаветранай абароны, які стартаваў 30 верасня. Аб гэтым паведаміла Мінабароны Беларусі.
Падчас праверкі асноўную ўвагу засяродзяць на гатоўнасці і здольнасці воінскіх часцей і падраздзяленняў ВПС і войскаў СПА выконваць свае задачы.
«Адпаведна, да праверкі могуць прыцягнуць 2 зенітныя ракетныя і 2 радыётэхнічныя брыгады, 5 зенітных ракетных палкоў і 3 авіяцыйныя базы», - гаворыцца ў паведамленні.
Таксама паведамляецца, што для правядзення вучэбна-баявых задач будуць выкарыстаныя ўсе палігоны УС РБ, а таксама плануецца набор рэзервістаў.