Ізраіль анансаваў «наступны этап вайны» супраць «Хезбалы»

Ліквідацыя лідара «Хезбалы» - «гэта яшчэ не канец».

Ізраіль найбліжэйшым часам пачне «наступны этап вайны» супраць шыіцкага тэрарыстычнага руху «Хезбала», заявіў міністр абароны Ёаў Галант на сустрэчы з кіраўнікамі паўночных прыгранічных грамадаў, паведамляе The Times of Israel.

Са слоў Галанта, новы этап павінен «істотна змяніць сітуацыю ў сферы бяспекі» і дазволіць вярнуць жыхароў гарадоў на поўначы ў іх дамы.

Як піша выданне, ягоныя словы паказваюць на тое, што Ізраіль збіраецца правесці наземную аперацыю ў Лібане, пра што раней паведамлялі The Washington Post, The Wall Street Journal і іншыя СМІ. Паводле іх звестак, Ізраіль апавясціў ЗША аб намеры правесці абмежаванае наземнае ўварванне ў Лібан на гэтым тыдні. CBS піша са спасылкай на амерыканскага службоўца, што аперацыя можа пачацца цягам некалькіх гадзін.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com