У Расеі абвясцілі новую «спецыяльную аперацыю»

На гэты раз - СДА.

Дырэктар расейскага Цэнтральнага эканоміка-матэматычнага інстытута (ЦЭМІ) Альберт Бахцізін мяркуе, што ў краіне-агрэсарцы РФ усё так дрэнна з колькасцю насельніцтва, што неабходна праводзіць "спецыяльную дэмаграфічную аперацыю". Пра гэта ён заявіў агенцтву «Інтэрфакс» у інтэрв'ю, якое было апублікаванае 31 жніўня.

"Скарачэнне насельніцтва ў нас носіць катастрафічны характар: мы за год страчваем па 500-600 тысяч чалавек, і гэта стварае пагрозу нацыянальнай бяспецы, улічваючы памеры тэрыторыі, улічваючы неабходнасць значнай колькасці людзей для падтрымання патрэбных для эканомікі тэмпаў росту", - сказаў Бахцізін.

Ён прызнаў, што немагчыма лёгка развязаць задачу павелічэння колькасці насельніцтва РФ, і менавіта таму неабходна "спецыяльная дэмаграфічная аперацыя".

Дырэктар ЦЭМІ ні разу не згадаў вайну РФ з Украінай, з-за якой краіна-агрэсарка працягвае страчваць сваё насельніцтва з сярэдняй хуткасцю 1 тысяча чалавек на дзень (з улікам загінулых і параненых).

Замест варыянту спыніць агрэсію супраць Украіны Бахцізін агучыў варыянт “скарэктаваць рэпрадуктыўныя ўстаноўкі” і падняць узровень нараджальнасці ў РФ на 40-50%.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com