Дураў адмовіўся ад дыпламатычнай дапамогі Расеі

Але пагадзіўся, каб амбасада ААЭ была ў курсе ягонай сітуацыі.

Заснавальнік Telegram Павел Дураў адмовіўся ад дыпламатычнай дапамогі, якую яму пасля затрымання ў Францыі прапанавалі Расея і Аб'яднаныя Арабскія Эміраты, распавёў Politico французскі чыноўнік.

«Ён адмовіўся ад расейскай консульскай абароны і консульскага візіту ААЭ, але пагадзіўся, каб пасольства ААЭ было ў курсе яго сітуацыі», - сказаў субяседнік выдання.

Супрацоўнік дыпламатычнай службы ААЭ пацвердзіў, што дыпламаты кантактуюць з прадстаўнікамі Дурава і французскімі ўладамі. У пасольстве РФ у Францыі гэтую інфармацыю на момант публікацыі не пракаментавалі.

Дураў з'яўляецца грамадзянінам адразу некалькіх краін: у яго ёсць грамадзянства Расеі, ААЭ, Францыі, а таксама дзяржавы Сэнт-Кітс і Нэвіс, якая размешчана на Карыбскіх астравах.

Прадпрымальніка затрымалі ў Парыжы 24 жніўня. Французскія ўлады падазраюць яго ў недастатковай мадэрацыі Telegram, а таксама ў адмове ад супрацоўніцтва, што, на думку праваахоўных органаў Францыі, робіць яго суўдзельнікам распаўсюджвання дзіцячай парнаграфіі, продажу наркотыкаў, махлярства і іншых злачынстваў. 28 жніўня Дурава адпусцілі пад заклад 5 млн еўраў і абавязацельствы двойчы на тыдзень адзначацца ў пастарунку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com