Белы дом пракаментаваў словы Пуціна аб Гарыс

І заклікаў расейскага дыктатара замаўчаць.

Пуціну трэба спыніць казаць пра будучыя выбары ў Злучаных Штатах. Пра гэта заявіў у чацвер прадстаўнік Белага дома ў нацбяспецы Джон Кірбі пасля таго, як кіраўнік Крамля сказаў, што Масква хоча перамогі дэмакрата Камалы Гарыс на прэзідэнцкіх выбарах у ЗША ў лістападзе, паведамляе «Радыё Свабода».

«Ён не павінен надаваць нікому ніякай перавагі», – падкрэсліў Кірбі.

Пуцін у чацвер на пленарным пасяджэнні Усходняга эканамічнага форума сказаў, што Масква пасля таго, як дзейнага кіраўніка дзяржавы Джо Байдэна «знялі» з прэзідэнцкай гонкі, падтрымлівае Камалу Гарыс, але «ў канчатковым выніку выбар за амерыканскім народам».

Выказванне Пуціна пракаментаваў і спаборнік Гарыс рэспубліканец Дональд Трамп.

«Не ведаю, ці трэба мне яму патэлефанаваць і горача падзякаваць. Я не разумею, як гэта расцаніць, не ведаю, ці абразіў ён мяне гэтым ці надаў паслугу», - сказаў Трамп падчас выступу ў Эканамічным клубе Нью-Ёрка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com