У Беларусі - аўтамабільны «хапун»

Устаноўлены месячны рэкорд набыцця новых аўто.

У Беларусі ў жніўні прадалі 4 916 новых легкавікоў і лёгкага камерцыйнага транспарту. Гэта месячны рэкорд гэтага года, паведамляе Беларуская аўтамабільная асацыяцыя (БАА). Больш актыўна беларусы куплялі аўто брэнда Geely.

За жнівень кампаніі-чальцы БАА прадалі 4916 адзінак легкавых аўтамабіляў і лёгкага камерцыйнага транспарту. Гэта месячны рэкорд гэтага года. Жнівеньскі паказчык таксама больш як удвая перавышае продажы за аналагічны месяц 2023-га.

За восем месяцаў гэтага года было прададзена 29 987 аўтамабіляў. Гэта больш, чым за ўвесь 2023-ты. Пры гэтым продажы за студзень-жнівень гэтага года на 120% перавышаюць паказчыкі аналагічнага перыяду 2023-га, удакладняюць у БАА.

Лідар продажаў сярод легкавых аўтамабіляў - Geely, на гэты брэнд прыпадае 49% ад агульнай колькасці рэалізацыі новых легкавікоў.

Рост продажаў новых аўтамабіляў звязаны з тым, што дылеры пашырылі свае прапановы, таксама павялічыўся попыт у пакупнікоў. На думку БАА, людзі сталі больш набываць транспарт праз даступнасцб аўтакрэдытаў і лізінгу. Сярод іншых прычын - рост даходаў насельніцтва, а таксама складанасці з увозам аўто праз мяжу.

Па выніках васьмі месяцаў гэтага года больш за 5% прададзеных афіцыйнымі дылерамі аўтамабіляў належаць да класа электрычных, адзначаюць у БАА. Па выніках 2023-га гэты паказчык дасягаў 1,7 адсотка. На павелічэнне продажаў электраазтамабіляў паўплывала пашырэнне інфраструктуры для падсілкоўвання электрамабіляў у Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com