У сталічным рэстаране дзяўчына скрала ў імянінніцы вялізны букет чырвоных ружаў

Што было далей.

Суд разгледзеў крымінальную справу ў дачыненні да 25-гадовай раней не асуджанай мянчанкі, якую абвінавачвалі ва ўчыненні крадзяжу, піша агенцтва «Менск-Навіны» са спасылкай на пракуратуру.

Паводле матэрыялаў справы, абвінавачаная з сяброўкай адпачывала ў адным з рэстаранаў на вуліцы Мельнікайтэ. Пасля паўночы яны сабраліся сыходзіць. Праходзячы міма стойкі адміністратара, мянчанка ўбачыла вядро, у якім стаяў букет з 51 чырвонай ружы, і забрала кветкі з сабой. Паводле ейных словаў, па дарозе дадому ёй стала сорамна за свой учынак, таму яна выкінула выкрадзены букет у смеццевы бак.

Супрацьпраўныя дзеянні дзяўчыны зафіксавалі камеры відэаназірання, устаноўленыя ў рэстаране. Букет належаў іншай наведніцы ўстановы, якая там святкавала свой дзень народзінаў.

У дачыненні да дзяўчыны следчыя распачалі крымінальную справу за крадзеж. Віну яна прызнала цалкам, у зробленым раскаялася, перад пацярпелай папрасіла прабачэння і кампенсавала ёй нанесеную шкоду памерам 170 рублёў.

У выніку суд пастанавіў вызваліць мянчанку ад крымінальнай адказнасці з накладаннем адміністрацыйнай (арт. 86 КК), а вядзенне ў крымінальнай справе ў дачыненні да яе паводле ч. 1 арт. 205 КК (Крадзеж) спыніць.

Паводле адміністрацыйнага артыкула дзяўчыну аштрафавалі на 20 базавых велічыняў (800 рублёў).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com