Нямеччына накіравала ў Беларусь новую часовую павераную

Раней Андрэа Віктарын двойчы бывала ў Менску на афіцыйных пасадах.

У Беларусь прыехала новая часовая павераная ў справах Нямеччыны Андрэа Віктарын. Пра гэта паведамляецца ў Facebook амбасады.

«Мы рады нарэшце прадставіць вам нашу новую кіраўніцу амбасады. Для яе як дасведчанай дыпламаткі Беларусь – вядомая краіна. Яна ўжо двойчы бывала ў Менску на афіцыйных пасадах: як кіраўніца дэлегацыі ЕЗ з 2015 да 2019 года і як сталая прадстаўніца амбасады Нямеччыны з 2000 да 2003 года», – гаворыцца ў паведамленні.

Андрэа Віктарын раней была амбасадаркай у Латвіі і Нідэрландах, а да нядаўняга часу – кіраўніцай дэлегацыі ЕЗ у Арменіі, дзе да гэтага таксама працавала амбасадаркай.

«Андрэа Віктарын пачала сваю кар'еру на дыпламатычнай службе падчас падзення Берлінскай сцяны і ўз'яднання Нямеччыны. Раней яна вывучала гісторыю і нямецкую мову на педагагічным факультэце ў Боне. Як гістарычцы ёй важна прызнаваць гістарычную адказнасць немцаў перад беларускім народам і выступаць за прымірэнне і разуменне. Мы рады адзначыць, што ў асобе спадарыні Віктарын атрымалі дасведчаную дыпламатку і кіраўніцу, якая вельмі любіць Беларусь і яе народ», – адзначылі ў амбасадзе.

Нагадаем, у канцы чэрвеня 2023 года стала вядома, што амбасадар Нямеччыны Манфрэд Хутэрэр і амбасадар Вугоршчыны Жолт Чутара пакідаюць Беларусь.

Навіна пра заканчэнне місіі папярэдняга часовага паверанага ў справах Нямеччыны Міхаэля Новака з'явілася ў сацсетках амбасады 10 ліпеня. На гэтай пасадзе ён прапрацаваў менш за год.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com