Forbes: Сітуацыя пад Пакроўскам рэзка змянілася

Расейская прапаганда б'е трывогу.

Наступ расейскіх акупантаў на Пакроўскім кірунку забуксаваў пасля таго, як у бой уступілі некалькі рэзервовых брыгадаў Сілаў абароны Украіны, якія праводзяць контратакі, а ў некаторых месцах адкідаюць захопнікаў.

Нягледзячы на тое, што 2-я агульнавайсковая армія РФ пераўзыходзіць украінскія сілы на ўсходзе прыкладна ў чатыры разы, захоп Пакроўска расейцамі, які калісьці здаваўся неўнікнёным, выглядае менш верагодным, піша Forbes.

У матэрыяле адзначаецца, што УСУ трымалі ў рэзерве чатыры ці пяць брыгадаў – кожная з якіх налічвала да 2000 салдатаў і сотні адзінак тэхнікі. Ужо цяпер гэтыя рэзервы далучаюцца да баёў уздоўж апошняй лініі акопаў і ўмацаваных мястэчкаў за пяць-шэсць міляў ад Пакроўска і ягоных жыццёва важных шляхоў забеспячэння.

«Адбываецца менавіта тое, што і меркавалася – украінскія ўзброеныя сілы пачалі контратакаваць», – піша расейскі прапагандыст Яўген Норын.

На сёння брыгада «Кара-Даг» Нацыянальнай гвардыі, 12 брыгада «Азова» і 93 механізаваная брыгада Узброеных сілаў Украіны – праводзяць невялікія контратакі, асноўным эфектам якіх з'яўляецца запаволенне або нязначнае адкідванне расейцаў.

Падкрэсліваецца, што лютыя дзеянні брыгады «Кара-Даг» у Селідаве, прыфрантавым горадзе на паўднёвы ўсход ад Пакроўска, могуць быць найбольш значнымі з апошніх контратак. Ужо некалькі дзён танкі Т-64 брыгады ўзрываюць і захопліваюць расейскія танкі і баявыя машыны, якія спрабуюць трапіць у Селідава па галоўнай дарозе з усходу на захад.

Журналісты пішуць, што расейцы павінны прайсці праз Селідава, каб мець магчымасць весці прыцэльны агонь па Пакроўску. Але цяпер, калі свежыя і добра абсталяваныя ўкраінскія войскі знаходзяцца ў Селідаве і наступаюць, захоп Пакроўска расейцамі, які калісьці здаваўся неўнікнёным, выглядае крыху менш верагодным.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com