Bild: УСУ атакавалі расейцаў «лётным аўтаматам Калашнікава»
12- 7.09.2024, 11:43
- 10,264
![Bild: УСУ атакавалі расейцаў «лётным аўтаматам Калашнікава»](https://i.c97.org/ai/609775/aux-head-1725698630-20240907_dron_AK_360.jpg)
Гэтая зброя ўжытая ўпершыню.
Узброеныя сілы Украіны ўпершыню ўжылі супраць расейскіх вайскоўцаў «лётны аўтамат Калашнікава», піша Bild і публікуе відэа.
Такую зброю паставіла на ўзбраенне УСУ група ўкраінскіх інжынераў Wild Hornets. Аўтамат АК-47 усталявалі на платформу з чатырма шрубамі і паднялі ў паветра, як лётны беспілотнік. У сярэдзіне жніўня такі комплекс упершыню атакаваў пазіцыі расейскіх войскаў.
Лётны аўтамат можа кіравацца з абароненай пазіцыі за некалькі кіламетраў ад аператара. Як адзначае эксперт BILD у аналізе адкрытых звестак Юльян Рэпка, самае складанае ў такой распрацоўцы – стабілізаваць АК-47 пры стральбе, каб дрон не адхіляўся праз аддачц і не было вялікага роскіду. Пакуль незразумела, наколькі эфектыўная такая зброя, ці паставяць яе на серыйную вытворчасць і ў якім аб'ёме.