Чалы: Лукашэнка нездарма загаварыў пра здароўе

Беларускі дыктатар – забабонны чалавек.

Аналітык Сяргей Чалы мяркуе, што Лукашэнка можа не пайсці на новы тэрмін. Такім меркаваннем ён падзяліўся ў эфіры «Звычайнай раніцы»:

– Усе плённыя ідэі ў Лукашэнкі скончыліся.

Нельга адмаўляць таго, што ён усё ж такі да ўлады прыходзіў з ідэяй. Ён сапраўды хацеў вярнуць сталінізм. У палітычнай сферы яму гэта ўдалося, у эстэтычнай таксама, у эканоміцы – амаль.

Памятайце, ён казаў, рынку мы наеліся, дзяржаўнае можа працаваць не горш. У гэтым і была ўся ягоная задача, ён усё жыццё спрабаваў давесці, што дзяржаўнае можа працаваць не горш.

Але ў 2011 годзе, калі здарыўся крызіс, стала зразумела, што гэта не працуе. Тады ў яго з'явілася ідэя комплекснай мадэрнізацыі, якая насамрэч нічога не вызначала, гэта было як тушыць пажар бензінам.

Гэтая мадэрнізацыя скончылася крызісам 2015–2016 гадоў з гібрыднай дэвальвацыяй на 30%. І вось на гэтым ідэі скончыліся. Пасля гэтага Лукашэнку засталося толькі займацца кветнікамі, рамесніцтвам і г.д.

І самы галоўны ягоны пасыл сёння: давайце неяк самі, нешта вас распесцілі, занадта дорага стала насельніцтва абыходзіцца манарху.

І плюс, і гэта зусім відавочна, ёсць чыннік здароўя. Цяпер гэта асабліва відаць. Чулі, у якім ключы ён гаворыць пра здароўе?

Калі на гістарычнай радзіме ён расказваў, чаму стаміўся, упершыню з'явілася фраза: «Уявіце сабе, якая вялікая колькасць людзей мяне ненавідзіць». Ён проста так і сказаў.

Вядома, ён гэта разумее і адчувае, і, як чалавек забабонны, ведае, што гэтыя рэчы проста так не праходзяць, – кажа Чалы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com