Навукоўцы: Медытацыя дзейнічае як абязбольнае

І гэты эфект не звязаны з самаўнушэннем.

Даследаванне мозгу пацвердзіла, што палягчэнне болю падчас медытацыі не звязанае з эфектам самаўнушэння. Вынікі апублікаваныя ў часопісе Biological Psychiatry.

Даказана, што калі чалавек верыць у эфектыўнасць працэдуры ці прэпарату, яны могуць прынесці кароткатэрміновае палягчэнне болю. Гэты эфект самаўнушэння вядомы як плацэба. Медытацыя ўсвядомленасці, якая выкарыстоўвалася для лекавання болю ў розных культурах цягам стагоддзяў, уважалася за прыклад плацэба. Новае даследаванне даказала, што медытацыя можа быць па-сапраўднаму эфектыўная.

У новым эксперыменце ўдзельнічалі 115 здаровых чалавек. Навукоўцы скарысталі балючы, але бясшкодны цеплавы стымул да задняй часткі нагі ўдзельнікаў. Таксама яны зарэгістравалі актыўнасць мозгу пацыентаў да і пасля аднаго з чатырох умяшанняў.

Першая група выконвала медытацыю ўсвядомленасці, другая – толькі глыбокае дыханне з медытацыі, трэцяя выкарыстоўвала вазелін (ім сказалі, што гэта абязбольны крэм), чацвёртая група параўнання слухала аўдыякніку.

Палягчэнне болю назіралася і ў групе медытацыі ўсвядомленасці, і ў групе крэму-плацэба ў параўнанні з групай параўнання. Аднак пры гэтым былі актываваныя розныя зоны мозгу. Пасля медытацыі ўсвядомленасці паменшылася злучэнне паміж часткамі мозгу, якія ўдзельнічаюць у самасвядомасці і эмацыйнай рэгуляцыі. Гэтыя часткі мозгу наўпрост звязаныя з узнікненнем болю. Крэм-плацэба і фіктыўная медытацыя ўсвядомленасці не стварылі значнага эфекту на гэтыя вобласці.

У доказнай медыцыне новыя метады лекавання звычайна ўважаюцца за эфектыўныя, калі яны пераўзыходзяць плацэба. Новая праца паказала, што свядомая медытацыя больш эфектыўная, чым плацэба, і не задзейнічае тыя ж нейрабіялагічныя працэсы, што і плацэба. Пасля дадатковых даследаванняў медытацыя ўсвядомленасці можа стаць новым спосабам барацьбы з хранічным болем.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com