Амерыканскія эксперты назвалі найбольш надзейныя маркі аўто

Яны рэдка маюць патрэбу ў рамонце.

Надзейны і эканамічны аўтамабіль – гэта мара любога кіроўцы, бо ён не толькі дазваляе знізіць актуальныя эксплуатацыйныя выдаткі, але і не патрабуе значных сродкаў на рамонт. Пры гэтым усё больш інавацыйныя матэрыялы і складаныя тэхналогіі, якія выкарыстоўваюцца ў аўтавытворчасці, робяць сэрвіс аўто даражэйшым.

Вядома, ёсць і іншыя прычыны. Аднак, як бы там ні было, эксперты раяць, выбіраючы машыну, зважаць таксама і на частату і кошт абслугоўвання, у якім яна мае патрэбу. Выданне Go Banking Rates, абапіраючыся на звесткі Consumer Reports, сабрала пяць брэндаў (чатыры амерыканскіх і адзін японскі), якія вас не падвядуць.

Tesla

Адзіны электрамабіль, які трапіў у спіс, – гэта Telsa. Амерыканцы ацанілі рамонты гэтай маркі як найбольш танныя. Паколькі аўто не мае алівы і некаторых іншых асаблівасцяў, уласцівых рухавікам унутранага згарання, ягоныя эксплуатацыйныя выдаткі маюць крыху іншую структуру. І ў цэлым ніжэйшы кошт.

Buick

Амерыканская марка прапануе сваім спажыўцам шыкоўны спартовы дызайн і машыны, абсталяваныя найноўшымі тэхналагічнымі функцыямі. У дадатак амерыканцы ацанілі Buick, як адзін з самых эканамічных у эксплуатацыі варыянтаў.

Toyota

Выраз «японская якасць» менавіта пра Toyota. Гэтыя аўтамабілі даўно вядомыя сваёй надзейнасцю і доўга служаць уладальнікам. У дадатак да нізкага першапачатковага кошту яны таксама маюць вялікі выбар даступных запчастак і аўтарызаваныя сэрвісы па ўсім свеце, што палягчае і патанняе рамонт.

Lincoln

Гэта надзейны люксавы брэнд, даўно вядомы сваім вытанчаным стылем, камфортам і перадавымі тэхнічнымі функцыямі. Пры гэтым вытворца прыкладае ўсе намаганні, каб зняць са сваіх пакупнікоў як мага больш клопатаў у доглядзе аўто.

Ford

Апроч даступнасці, выдатнай каштоўнасці і надзейнасці, Ford цягам дзесяцігоддзяў з'яўляецца культавым знакам амерыканскай якасці. Інжынеры брэну ўвесь час укараняюць інавацыі, каб не страчваць лідарскія пазіцыі. І гэта адбіваецца на тым, як часта трэба рамантаваць такі аўтамабіль.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com