Кацёл замкнецца: УСУ арганізавалі нечаканую пастку для РФ
8- 7.09.2024, 17:02
- 14,394
![Кацёл замкнецца: УСУ арганізавалі нечаканую пастку для РФ](https://i.c97.org/ai/524218/aux-head-1668490274-20221115_lovushka_360.jpg)
Маральны стан расейскіх войскаў на вельмі нізкім узроўні.
Расейскія войскі на Куршчыне патрапілі ў аператыўны кацёл каля ракі Сойм, але Крэмль не спяшаецца іх ратаваць, нягледзячы на гучныя заявы аб тым, што «рускія сваіх не кідаюць». Як паведаміў 24 Каналу расейскі публіцыст і апазіцыянер Расціслаў Мурзагулаў, за Курскую вобласць у Расеі адказвае Аляксей Дзюмін — былы целаахоўнік Пуціна, які нават шнураваў яму боты.
Дзюмін – не простая фігура, яго баяцца ўсе вайскоўцы, але нават ён не можа паўплываць на абыякавасць Крамля да сітуацыі на Куршчыне. Пуцін на форуме ва Уладзівастоку выразна даў зразумець, што яго прыярытэт - Данбас.
«УСУ вельмі берагуць жыццё сваіх салдат і яны спрабуюць мінімізаваць ахвяры сярод мірнага насельніцтва. Там ёсць расейскія войскі ў вялікай колькасці, і калі пачаць гуляць у танкавы біятлон, то загіне шмат сваіх і закране шмат цывілаў»,- заўважыў расейскі публіцыст.
У той жа час, маральны стан расейскіх войскаў, на яго думку, застаецца на вельмі нізкім узроўні.
«Гэта войска бедных і бяздольных. Калі ў іх скончыцца правіянт, яны здадуцца ў палон. Яны бачылі, у якіх умовах жывуць расейскія палонныя і ўжо не вераць апавяданням прапаганды. Калі яны зразумеюць, што адзіны варыянт - гэта паехаць ва ўкраінскую турму і падлатаць свае раны, яны абавязкова ім скарыстаюцца. Яны ведаюць, што іх там не расстраляюць, іх абмяняюць або дадуць магчымасць застацца ва Украіне», - адзначыў Мурзагулаў.