СМІ: УСУ ў Курскай вобласці хочуць уцягнуць расейцаў у зацяжную вайну

Галоўная мэта - абяскровіць ворага.

Заяўленыя Украінай планы па ўтрыманні тэрыторыі ў Курскай вобласці Расеі могуць даць УСУ шанец «абяскровіць» расейцаў, уцягнуўшы іх у знясільваючую, зацяжную барацьбу, гэтак жа, як яны робяць гэта на сваёй зямлі. Пра гэта распавёў Business Insider эксперт у ваенных пытаннях брытанскі эксперт па ваеннай стратэгіі Мэцью Сэвіл.

З яго слоў, для ўкраінскіх вайскоўцаў «разлік у тым, што калі яны створаць моцную абарону, то змогуць эфектыўна абяскровіць расейцаў, эфектыўна зрабіць тое, што ўжо адбылося ў іншых месцах».

Раней Міністэрства абароны Вялікай Брытаніі заявіла, што ў траўні і чэрвені былі забітыя ці параненыя больш за 70 000 расейскіх вайскоўцаў, дзякуючы «эфектыўнай украінскай абароне і недахопу расейскай падрыхтоўкі». І расейскія войскі працягваюць несці цяжкія страты, адзначае выданне.

Як гаворыцца ў артыкуле, калі Украіне ўдасца замацавацца і ўтрымацца ў Курскай вобласці, то спробы Расеі даць адпор таксама могуць прывесці да вялікіх страт - асабліва улічваючы, што многія расейскія салдаты ў Курску дрэнна навучаныя: многія з іх - маладыя, неспрактыкаваныя прызыўнікі.

Намеснік дырэктара ЦРУ Дэвід Коэн заявіў у канцы мінулага месяца, што адваёва Курска ва Украіны будзе «цяжкай барацьбой» для Расеі, а Майкл Бонэрт, эксперт у ваенных пытаннях з RAND Corporation, сказаў BI, што адваёва гэтай тэрыторыі «будзе вельмі дорага каштаваць расейцам» .

Як адзначае выданне, Расея часта выкарыстоўвае тактыку зацягвання баёў, а некаторыя вайсковыя назіральнікі нават сцвярджаюць, што гэта элемент расейскай тэорыі перамогі, улічваючы напружанне, якое такія баі ствараюць для Украіны.

Акрамя таго, як патлумачыў Сэвіл, для таго, каб абяскровіць расейскія войскі ў Курскай вобласці, Украіне «давядзецца вельмі хутка стварыць даволі эфектыўную абарону». З яго слоў, гэта «цяжка зрабіць хутка - не немагчыма, але цяжка, асабліва калі яны робяць гэта пад агнём».

Акрамя таго, піша BI, намаганні Украіны ў Курскай вобласці таксама рызыкуюць пакінуць кірункі фронту ва Украіне недастаткова абароненымі, што прывядзе да знясілення іх і без таго малалікіх узброеных сіл.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com