У Менску правядуць «сакрэтны» кірмаш вакансій

Для «асаблівага кантынгенту».

У Менску захоўваецца дэфіцыт кадраў. Так, на 9 верасня ў сталіцы не стае амаль 37,7 тысяч работнікаў. Столькі прапаноў ад наймальнікаў размешчана ў агульнарэспубліканскім банку вакансій. На гэтым фоне менскія сацслужбы правядуць двухдзённы «сакрэтны» кірмаш вакансій, заўважыла «Зеркало».

Федэрацыя прафсаюзаў Беларусі паведаміла, што ў Менску службы занятасці плануюць правесці двухдзённы кірмаш вакансій - 10 і 11 верасня. Як анансуецца, будзе прапанавана больш за 200 працоўных месцаў.

«Міні-кірмаш разлічаны на асаблівы кантынгент людзей, якія не могуць на роўных канкурыраваць з іншымі работнікамі на рынку працы», - паведамляюць афіцыйныя прафсаюзы.

Аднак на сайце камітэта працы, занятасці і сацабароны насельніцтва пры Мінгарвыканкаме на момант выхаду гэтага тэксту не была размешчаная інфармацыя аб запланаваных кірмашах вакансій найбліжэйшыя два дні.

У службе занятасці ўдакладнілі, што сярод наймальнікаў, якія будуць шукаць на кірмашах работнікаў, - «Прыёрлайф», Мінсктранс, «Будмаш». Пры гэтым наведаць іх могуць усе ахвочыя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com