У Гомелі раздаліся моцныя выбухі, у тым ліку з боку вайсковага аэрадрома

Афіцыйна пра гэта нічога не паведамлялася.

На гэтым тыдні жыхары Гомельскай вобласці паведамлялі аб моцных выбухах, якія яны чулі. Афіцыйна пра гэта нічога не паведамлялася.

Як піша «Флагшток», у ноч з 7 на 8 студзеня жыхары Навабеліцкага раёна Гомеля і пасёлка Чонак позняй ноччу пачулі гук моцнага выбуху. Са слоў відавочцы, «моцны гук быў з боку лесу на поўдзень ад Гомеля».

Таксама паступіла непацверджаная інфармацыя аб моцным выбуху ля вайсковага аэрадрома «Зябраўка», які прагучаў днём раней.

На вайсковым аэрадроме «Зябраўка», паводле звестак праекту «Беларускі Гаюн», дагэтуль знаходзіцца расейскі вайсковы кантынгент. У жніўні 2022 года там былі чуваць выбухі. Таксама ў Гомельскую вобласць рэгулярна залятаюць расейскія «Шахеды», якія ўдзельнічаюць у атаках на Украіну.

У некаторых выпадках беспілотнікі перахапляе беларуская авіяцыя. Так, у ноч на 5 верасня ў наваколлях Гомеля ВПС Беларусі знішчылі два расейскія дроны, падзенне абломкаў выклікала пажар на гарадскім складзе. 3 кастрычніка дрон упаў у Калінкавічах. Жанчыну, камера на доме якой зафіксавала ягонае падзенне, затрымалі сілавікі. Над Ельскім раёнам беспілотнік быў збіты ўначы 20 кастрычніка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com