Палонны баец войска КНДР заявіў, што хоча жыць ва Украіне

Зяленскі апублікаваў відэа з допыту.

Прэзідэнт Украіны Уладзімір Зяленскі апублікаваў відэа з допыту жаўнераў войска КНДР, якіх украінскія вайскоўцы ўзялі ў палон 9 студзеня. Відэа ўкраінскі прэзідэнт апублікаваў у Telegram.

Як бачна з відэа, падчас допыту палонных пыталіся, ці ведалі яны, куды едуць і ці разумелі, што ваююць супраць Украіны. Салдаты заявілі, што камандзіры сказалі ім, што яны едуць на трэніроўку.

Таксама салдаты з войска КНДР дадалі, што іх сваякі не ведаюць, дзе яны знаходзяцца. Адзін з байцоў расказаў, што 3 студзеня ў іх быў наступ, ён бачыў, як гінуць салдаты, таму надумаў схавацца ў бліндажы. 5 студзеня яго знайшлі ўкраінскія вайскоўцы.

Ён таксама заявіў, што хоча застацца ва Украіне. У адказ яму сказалі, што з-за таго, што ён не ведаў пра сітуацыю, яму "гатовы дапамагаць".

“Ён сказаў, што, у прынцыпе, як яму скажуць. Калі яму трэба будзе вяртацца, то ён будзе вяртацца, калі яму дадуць шанец застацца тут, то ён застанецца” - працытаваў палоннага перакладчык.

Іншы сказаў, што хоча вярнуцца ў Паўночную Карэю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com