Кіраўнікі МЗС Нямеччыны і Францыі прыбылі ў Дамаск
3- 3.01.2025, 11:57
- 2,790
Першыя міністры замежных спраў буйных заходніх краін наведалі новых кіраўнікоў Сірыі.
Міністарка замежных спраў Нямеччыны Аналена Бербок (Annalena Baerbock) і ейны французскі калега на пасадзе Жан-Ноэль Баро прыбылі ў Дамаск з неабвешчаным візітам, паведаміў у пятніцу, 3 студзеня, МЗС Францыі, паведамляе «Нямецкая хваля».
Сярод іншых яны плануюць сустрэцца з новым лідарам краіны Ахмедам аш-Шараа, пад кіраўніцтвам якога ісламісцкая групоўка «Хаят Тахрыр аш-Шам» (ХТШ) 8 снежня мінулага года зрынула дыктатара Башара Асада.
Бербок і Баро - першыя міністры замежных спраў буйных заходніх краін, якіх прымае ў Дамаску новае сірыйскае кіраўніцтва. Яны здзяйсняюць візіт «ад імя ЕЗ», гаворыцца ў заяве МЗС Нямеччыны, апублікаванай перад вылетам Бербок з Бэрліна. ФРГ мае намер дапамагчы Сірыі ў правядзенні "інклюзіўнай, мірнай перадачы ўлады, дасягненні прымірэння грамадства і аднаўленні" краіны, гаворыцца ў дакуменце.
Паводле слоў Аналены Бербок, паміж Нямеччынай і Сірыяй, а таксама Еўропай у цэлым і Сірыяй магчыма аднаўленне стасункаў, але яно звязана з "дакладнымі чаканнямі ад новых кіраўнікоў" у Дамаску. Гэта падразумявае таксама роўныя правы для жанчын і мужчын у Сірыі, а таксама для ўсіх этнічных або рэлігійных груп у гэтай краіне. “Мы працягнем судзіць ХТШ па яе дзеяннях”, - заявіла Бербок.
Напярэдадні візіту Бербок і Баро група нямецкіх дыпламатаў на чале з упаўнаважаным МЗС ФРГ з Блізкага Усходу Тобіясам Тункелем (Tobias Tunkel) сустрэлася ў Дамаску 17 снежня з Ахмедам аш-Шараа. Еўразвяз таксама пачаў наладжваць кантакты з новымі ўладамі Сірыі. Па даручэнні Бруселя ў Дамаску ў другой палове снежня пабываў нямецкі дыпламат Міхаэль Анмахт (Michael Ohnmacht).
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
