Беларуска на просьбу знаёмай спрабавала завезці ў Польшчу калекцыйныя манеты

Супраць яе распачалі крымінальную справу.

Польскія мытнікі знайшлі ў багажы беларускі 84 калекцыйныя манеты. Жанчына спрабавала завезці іх у Польшчу праз пункт пропуску "Тэрэспаль". Пра здарэнне расказалі ў мытнай службе Люблінскага ваяводства, піша MOST.

Жанчына сцвярджала, што манеты належаць не ёй, а ейнай знаёмай, якая папрасіла перавезці іх у Італію. І каштуе калекцыя, паводле ейных слоў, усяго 200 даляраў.

Мытнікі перадалі манеты ацэншчыку - ён вызначыць іх рэальны кошт.

Супраць беларускі распачалі крымінальную справу паводле факту кантрабанды.

Нацыянальная падатковая адміністрацыя, у склад якой уваходзіць мытнае ведамства, нагадала, што для ўвозу ў Польшчу культурных каштоўнасцей і прадметаў калекцыйнага характару не патрэбны спецыяльныя дакументы або дазволы. Аднак калі ўвоз ажыццяўляецца з-за межаў ЕЗ, падарожнік абавязаны задэклараваць такія тавары на мытні для допуску да абароту або іншай мытнай працэдуры, а таксама аплаціць мыту, калі яна прадугледжаная.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com