Беларусы зараз могуць падаваць анлайн-заяўкі на нацыянальную візу ў Нямеччыну

Адпаведную платформу запусціла МЗС ФРГ.

Падаць заяўку на доўгатэрміновую нацыянальную візу ў Нямеччыну зараз можна анлайн. Адпаведную платформу для электроннай падачы заявак запусціла МЗС ФРГ, паведамляе DW.

Анлайн-заяўку можна падаць як на студэнцкую, так і на працоўную візу, Blaue Karte, Chancenkarte і іншыя тыпы доўгатэрміновых віз.

Паслуга стала даступнай з 1 студзеня. Ёй можна скарыстацца ў 167 прадстаўніцтвах Нямеччыны па ўсім свеце, у тым ліку ў Беларусі.

Пры гэтым анлайн-заяўка недаступная, напрыклад, у такіх краінах, як Расея, Украіна, Казахстан, Грузія, Таджыкістан.

Кіраўніца нямецкага МЗС Аналена Бербак мяркуе, што такое новаўвядзенне дасць магчымасць прыцягнуць у Нямеччыну кваліфікаваных спецыялістаў з усяго свету. З яе слоў, цяпер Нямеччына не можа сабе дазволіць, "каб працяглае афармленне дакументаў у адпаведнасці з правіламі і яшчэ больш працяглае чаканне перашкаджала найлепшым людзям працаваць у нашай краіне".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com