Як адрозніваюцца мінімальныя заробкі ў Беларусі і суседніх краінах

Лічбы ўражваюць.

Мінімальны заробак з 1 студзеня вырас не толькі ў Беларусі, але і ў суседніх краінах Еўразвязу, адзначае «Люстэрка».

З 1 студзеня ў Беларусі мінімальны заробак вырас амаль на 16% – да 726 рублёў. Пасля выплаты падаходнага падатку і сацыяльнага ўнёску (агулам 14% ад заробку) на руках застаецца 624,36 рубля.

У Літве з гэтага года мінімалка вырасла на 12% – да 1038 еўраў. На рукі атрымліваецца 777 еўраў. У пераліку на нашыя грошы паводле курсу Нацбанка на 3 студзеня гэта 3762 і 2816 рублёў адпаведна.

У Польшчы гэты ж паказнік з 1 студзеня складае 4666 злотых (3958 рублёў). Чыстымі палякі будуць атрымліваць 3510,92 злотага (2978 рублёў). Гэта на 7,65 адсотка больш, чым летась.

У Латвіі мінімалку таксама паднялі – да 740 еўраў (2682 рублі). Зыходзячы з разлікаў спецыяльнага калькулятара, пасля выплаты падаткаў на руках застаецца 623,46 еўра (2259 рублёў).

Гэта значыць, мінімальны заробак, які палякі і літоўцы атрымліваюць на рукі, атрымліваецца нават вышэйшы, чым у нас сярэдні да выплаты падаткаў (у лістападзе мінулага года ён быў 2331,8 рубля, больш свежыя звесткі яшчэ не апублікаваныя).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com