Навагодні цуд: На надзеле беларуса ў студзені зацвіла ружа

Фотафакт.

Мяккая і бясснежная зіма адбілася на навакольнай прыродзе. Здаецца, некаторыя расліны ўявілі, што да вясны ўжо зусім трошачкі, і пачалі абуджацца. Інакш як растлумачыць такія паводзіны вось гэтай ружы на прысядзібным надзеле чытача «Анлайнера» Паўла?

– Фатаграфію зрабіў у пятніцу на лецішчы ў вёсцы Тарасава ў Менскім раёне, – кажа Павел. – Прыехаў аглядаць свае ўладанні і тут заўважыў, што вырас вось такі цуд. Думаю, калі такое надвор'е захаваецца, то праз тыдзень ружа распусціцца. Падобнае бачу ўпершыню.

– Можа, вы яе восенню дадаткова падкормлівалі?

– Увогуле ніяк яе не падкормлівалі. Гэтую ружу суседзі ўвогуле хацелі выкінуць, а мая жонка яе ўкараніла, пасадзіла прыкладна 1,5–2 гады таму.

Гэта не першы выпадак, калі так позна квітнее ружа. У лістападзе падобнае бачылі ў звычайным двары ў Гародні.

– Гэта не анамалія. У апошні час падобнае сустракаецца ўсё часцей, – расказала куратарка калекцыі ружаў Таццяна Ніканавіч. – Расліна, магчыма, атрымала позні падкорм азотам (карміць ім не варта ўжо ў жніўні) і своечасова не змагла скончыць сваю вегетацыю. Таму ў лістападзе яна яшчэ поўная сілаў і аддае іх на красаванне. Да таго ж пакуль не было моцных маразоў, і расліна, як трэба, не адчула стрэс, не прыйшла ў зімовы спакой і заквітнела. Такая з’ява можа здарацца. У нас шмат кустоў, і некаторыя ружы даводзіцца абразаць яшчэ расквітнелымі, таму што яны не збіраюцца адцвітаць.

Дарэчы, у студзені прачынаюцца не толькі ружы. Вось такую фатаграфію расліны з набраклымі пупышкамі ў пятніцу апублікаваў партал Newgrodno.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com