Войскі РФ сышлі з піка сваіх авайсковых магчымасцяў

І нарасціць патэнцыял ужо не змогуць.

Расейскае войска больш не можа нарошчваць наступальны патэнцыял, але яшчэ мае пэўныя рэсурсы, каб утрымліваць яго "на ўзроўні". Пра гэта ў інтэрв'ю РБК Украіна заявіў старшыня Савета рэзервістаў Наземных войскаў УСУ Іван Цімачка.

“Я пару месяцаў таму казаў, што расейцы знаходзіліся на піку сваіх магчымасцяў, потым пік пераходзіць у плато, а потым уласна момант падзення патэнцыялу. Цяпер мы можам разглядаць, што яны з піка пераходзяць у плато. Нарасціць не могуць, але яшчэ маюць нейкія рэсурсы, каб утрымліваць "на ўзроўні", - сказаў Цімачка.

Ён удакладніў, што такая тэндэнцыя не вельмі заўважная, але назіраецца па ўсёй лініі фронту.

"Гэта звязана з тым, што мабілізацыя ў іх таксама кульгае, і што нам удалося знішчыць вялікую колькасць іх складоў, інфраструктуры, нафтаперапрацоўчыя заводы", - растлумачыў Цімачка.

Ён падкрэсліў, што страта патэнцыялу з боку расейцаў не азначае, што УСУ пяройдуць у контрнаступ, паколькі цяпер украінскае войска знаходзіцца ў дастаткова складаным і напружаным стане.

"Баі будуць цяжкія для нас, бо фактычна, або вораг штурмуе 60 разоў, або 40 разоў у дзень, значнай розніцы яно для нас мець не будзе, усё адно баі будуць і дзень і ноч", - адзначыў вайсковец.

У той жа час Цімачка заявіў, што страта патэнцыялу з боку акупантаў можа зменшыць колькасць страт УСУ.

"Гэта дае нам магчымасць нарошчваць свае рэсурсы, няхай не настолькі хутка, як хацелася б", - падкрэсліў Цімачка.

Нарэшце ён дадаў, што, нягледзячы на ўсё гэта, пакуль нельга казаць пра нейкія радыкальныя змены на фронце найбліжэйшым часам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com