28 лютага 2025, Пятніца, 15:18
Падтрымайце
сайт
Сім сім,
Хартыя 97!
Рубрыкі

«Пад Херсонам расейцы вычвараюць нешта дзіўнае»

13
«Пад Херсонам расейцы вычвараюць нешта дзіўнае»

Гэта праца «на жыўца»?

Журналіст Васіль Пяхньё расказаў пра дзіўныя дзеянні расейскіх акупантаў на Херсоншчыне.

Расейцы хацелі б штурмаваць Дняпро у раёне Херсона, але зараз для іх гэта гіблая справа, заявіў украінскі журналіст і вайсковы аглядальнік Васіль Пяхньё ў сваім штодзённым стрыме на YouTube-канале «Фабрыка навін».

Таксама аналітык адзначыў, што акупанты вычвараюць на Херсоншчыне нешта дзіўнае. Яны запусцілі сваю лодку з гумовай лялькай, якую адзелі ў камуфляж.

«Я не разумею, для чаго яны гэта зрабілі. Каб выклікаць агонь нашых дронаў? А магчыма, гэта было зроблена дэманстратыўна, каб потым даць справаздачу камандаванню. Маўляў, лодка са «штурмавікамі» адправілася на заданне і яе ліквідавалі БПЛА ўкраінскіх сіл», - выказаў здагадку Пяхньё.

Акрамя таго, у раёне Антонаўскага моста, насупраць Алешак, расейцы робяць хаатычныя рухі на сваіх матацыклах. Яны пад'язджаюць да берага, разварочваюцца і едуць назад.

«Гэта праца на жыўца? Або як гэта назваць? Шчыра, я не разумею, што яны робяць. Тут адбываецца шмат незразумелага. Магчыма, такія дзеянні тлумачацца інтэлектам камандавання, якое можа казаць: «Капайце адсюль і да абеду». Гэта старая вайсковая прымаўка», – сказаў журналіст.

Затым Пяхньё дадаў, што ў цэлым сітуацыя на Херсонскім кірунку даволі стабільная. Сілы абароны Украіны тут даволі паспяхова ліквідуюць расейскіх акупантаў.

Напісаць каментар 13

Таксама сачыце за акаўнтамі Charter97.org у сацыяльных сетках