Інаўгурацыя прэзідэнта ЗША ўпершыню пройдзе з прыспушчанымі сцягамі

Трамп выказаў незадаволенасць.

Абраны прэзідэнт ЗША Дональд Трамп выказаў незадаволенасць у сувязі з тым, што амерыканскія сцягі будуць прыспушчаныя ў дзень ягонай інаўгурацыі 20 студзеня, піша Reuters 3 студзеня.

Сцягі ў ЗША апусцілі з 29 снежня – з дня смерці 39-га прэзідэнта Джымі Картэра. Жалоба прадоўжыцца 30 дзён, да 27 студзеня.

«Дэмакраты ў захапленні ад таго, што наш цудоўны амерыканскі сцяг можа быць прыспушчаны падчас маёй інаўгурацыі. Яны думаюць, што гэта так цудоўна, і так гэтаму радыя, таму што на самай справе яны не любяць нашу краіну, яны думаюць толькі пра сябе», – напісаў Трамп у сацсетцы Truth Social.

Ён адзначыў, што ўпершыню падчас інаўгурацыі прэзідэнта ЗША будуць прыспушчаныя сцягі.

Трамп таксама заявіў, што амерыканцы «не будуць гэтаму радыя».

У сваю чаргу прадстаўніца Белага дому Карын Жан-П'ер паведаміла, што адміністрацыя не плануе пераглядаць пастанову аб жалобе.

29 снежня ва ўзросце 100 гадоў пайшоў з жыцця Джымі Картэр, які быў прэзідэнтам ЗША ў 1976–1980 гадах. Ён быў нобэлеўскім лаўрэатам за заслугі ў справе міратворчасці і абароны правоў чалавека ў 2002 годзе.

У 2024 годзе на выбарах прэзідэнта ЗША Картэр прагаласаваў за дэмакратку Камалу Гарыс.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com