У Z-ваенкараў пачалася паніка праз становішча войскаў РФ пад Ліманам

Камандаванне займаецца бессэнсоўнай ліквідацыяй сваіх салдатаў у «мясасечцы».

Акупацыйнае войска РФ нясе вельмі цяжкія страты, наступаючы на Ліманскім кірунку. Пры гэтым ніякіх поспехаў на гэтым адрэзку ва УС РФ няма. Такую заяву зрабіў вядомы Z-прапагандыст Юры Падаляка ў сваім блогу 31 снежня, паведамляе «Дыялог.UA».

Ён абвінаваціў камандаванне УС РФ у «мясасечцы», якая адбываецца пад Ліманам. Там акупацыйнае войска ўжо вельмі доўгі час выкарыстоўвае тактыку «мясных штурмаў», каб прасунуцца наперад, аднак поспеху не мае. Страты на гэтым адрэзку фронту каласальныя.

«З Новайванаўкі нас, як і чакалася, выбілі. За пару дзясяткаў хатаў мы паклалі, я нават не ведаю, колькі сотняў салдатаў, абсалютна бессэнсоўна. Вось я не разумею, калі ўрэшце гэта ўсё скончыцца. Няўжо нашаму камандаванню ў Маскве гэта падабаецца? Ну колькі можна класці хлапцоў у бессэнсоўных нападах на гэтым адрэзку фронту? Гэта доўжыцца нават не месяц і не два... Ну як так?» – пажаліўся прапагандыст.

Ліманскі кірунак – гэта паўночная частка Данецкай вобласці. Сілы абароны Украіны вызвалілі гэтую тэрыторыю ад расейскай акупацыі восенню 2022 года, расейцы праз два гады так і не змаглі аднавіць страчаныя пазіцыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com