У Беларусі на продаж выставілі тры «авіятаксі»

Кошт стартуе ад $113 тысяч.

У Беларусі выставілі на продаж адразу тры самалёты класа «авіятаксі» Іл-103, піша тэлеграм-канал «АдВінта» | Авіяцыя Беларус».

Гэтыя чатырохмясцовыя (1 пілот + 3 пасажыры) лёгкаматорнікі належаць МНС Беларусі і былі выпушчаны ў 2000 годзе. Раней яны выкарыстоўваліся РУП «Беллесавія» для супрацьпажарнага патрулявання лясоў. Цяпер жа гэтую задачу ўсё больш ускладаюць на БЛА.

Самалёты працяглы час знаходзяцца на захоўванні і не ляталі ўжо амаль 10 гадоў. З 14 чэрвеня 2015 года, пасля катастрофы Іл-103 пад Берасцям, эксплуатацыя гэтага тыпу ў Беларусі была прыпыненая. У 2021 годзе камісія Мінтранса заключыла, што трагедыя здарылася праз перагрэў рухавіка самалёта і падзення яго магутнасці.

Кошт за кожны планёр з рухавіком стартуе ад 393 755,56 рубля (каля 113 360 долараў па курсе). Лоты зараз знаходзяцца на аэрадроме «Ліпкі» пад Менскам. Таргі пройдуць 31 студзеня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com