ЗША перад вялікай вайной «ціха» перадалі Украіне шмат зброі

Між іншым - "Стынгеры" і "Джавеліны".

Задоўга да пачатку поўнамаштабнага ўварвання Расеі ва Украіну ЗША «ціха» паставілі Украіне шмат зброі, між іншым, ЗРК Stinger і супрацьтанкавыя комплексы Javelin. У інтэрв'ю The New York Times амерыканскі дзяржсакратар Энтані Блінкен заявіў, што Вашынгтон хацеў пераканацца ў гатоўнасці да канфлікту не толькі Злучаных Штатаў і хаўруснікаў, але і Кіева.

"Мы пераканаліся, што задоўга да расейскай агрэсіі, пачынаючы з верасня, а затым зноў у снежні, мы ціха перадалі ва Украіну шмат зброі, каб пераканацца, што ў іх пад рукой ёсць тое, што ім трэба для абароны, такія рэчы, як "Стынгеры", "Джавеліны", якія адыгралі важную ролю ў перашкодзе Расеі ўзяць Кіеў, захапіць краіну, сцерці яе з мапы і [дапамаглі] адштурхнуць расейцаў назад", — заявіў Блінкен.

З ягоных слоў, "у розныя моманты часу людзі засяроджваюцца на той ці іншай сістэме зброі". Так было з перадачай танкаў Abrams і знішчальнікаў F-16, кажа Блінкен. Ён удакладніў, што Вашынгтону трэба ўлічваць "не толькі тое, ці варта гэта даваць украінцам, але і тое, ці ведаюць яны, як гэтым карыстацца" і ці могуць яны такую ​​зброю падтрымліваць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com