«Да канца студзеня не раз’едзецца, нават калі мытня будзе па 100 аўто афармляць»
13- 5.01.2025, 14:47
- 8,680
На выезд з Беларусі ў Польшчу - вялізныя чэргі з аўто і аўтобусаў.
Дзяржаўны памежны камітэт паведамляе пра амаль 1700 аўтамабіляў, якія чакаюць выезду з Беларусі ў Польшчу. Як пішуць беларусы ў тэматычных тэлеграм-чатах, на перасячэнне мяжы ідзе больш за два дні. Каля пункта пропуску "Брэст" таксама ўтварылася чарга з пасажырскіх аўтобусаў, піша "Зеркало".
Паводле інфармацыі ДПК, 5 студзеня на 12.00 у чарзе на выезд з Беларусі ў Польшчу ў адзіным адкрытым пункце пропуску "Брэст" ("Тэрэспаль" з польскага боку) знаходзяцца амаль 1700 легкавых аўтамабіляў і 65 пасажырскіх аўтобусаў.
У тэматычных тэлеграм-чатах беларусы, якім ужо ўдалося трапіць у Польшчу, пішуць, што на перасячэнне мяжы ім спатрэбілася больш за два дні.
- Чарга да канца студзеня не знікне, - упэўнены адзін з тых, хто чакае. — Нават калі мытня будзе па 100 аўто афармляць, то больш за палову месяца трэба будзе разграбаць гэты затор.
- Звычайна з Беларусі ў Польшчу ўсе едуць пустымі, але зараз наадварот. Людзі едуць на працу, вучобу, дадому. Шмат рэчаў - даўжэйшыя агляды, рэнтгены і гэтак далей, - тлумачыць наяўнасць чаргі яшчэ адзін беларус.
Не лепшая сітуацыя і з пасажырскімі аўтобусамі. Іх у чарзе сабралася ўжо больш за 60, прычым свабодных месцаў у тых, хто стаіць ля самага ўезду на пункт пропуску, - няма.
- Сёння нейкая нехарактэрнае пекла, я асабіста такое першы раз бачу, - абураецца адзін з беларусаў у тэлеграм-чаце. - У першых васьмі аўтобусах на стометроўцы ў Берасці 2,5 гадзіны таму месцаў не было (нават да Тэрэспаля). У дзявятым да Варшавы бралі 50 еўра (за магчымасць перасесці бліжэй да ўезду. — Заўв.рэд.).
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
