Найлепшыя фільмы на Каляды: шэсць стужак, якія даюць веру ў цуд

Іх прагляд палепшыць святочны вечар.

Божае Нараджэнне — гэта не толькі царкоўнае свята, але таксама афіцыйны непрацоўны дзень. Каб палепшыць свой вечар 7 студзеня, прапануем вам паглядзець адзін з калядных фільмаў для ўсёй сям'і. Фільмы на Каляды падсілкуюць вас пазітывам і верай у цуд.

"Чатыры Каляды", 2008

Гэта добрая, смешная і павучальная кінакамедыя расказвае пра закаханую пару, якая не спяшаецца звязваць сябе повязямі шлюбу, бо бацькі маладых людзей развяліся. Абое з бацькоў пары завялі ўласныя сем'і, і цяпер у іх дваіх па чатыры сям'і. Напярэдадні Калядаў хлопец з дзяўчынай хочуць павіншаваць усіх сваіх сваякоў, а потым паляцець на адпачынак. Але іхняя выправа зрываецца і дае ім каштоўную навуку. Гэты фільм пра вечныя сямейныя вартасці і асабістае шчасце спадабаецца кожнаму.

"Адзін дома", 1990

Гэтая легендарная камедыя для ўсёй сям'і канечне пасмяшыць вас, калі вы яе яшчэ не бачылі. Галоўны герой фільма — маленькі хлопчык Кевін. Бацькі ненаўмысна забыліся на яго дома, адпраўляючыся ў выправу на калядныя вакацыі. Кевін забаўляецца сам і цешыцца святам. Ягоны дом прывабіў парачку рабаўнікоў, якія думаюць, што дома нікога няма. Але хлопчык прыдумляе, як арыгінальна правучыць зладзеяў.

"Палярны Экспрэс", 2004

Анімацыйны блокбастар расказвае гісторыю хлопчыка, які не верыць у Каляды і Санту. Неяк напярэдадні Калядаў ён атрымлівае ўнікальную магчымасць адправіцца на Паўночны Полюс, і асабіста пераканацца ў існаванні Санты. Каля ягонага дома праязджае цягнік, які адпраўляецца проста на Паўночны полюс. У гэтым цягніку ён сустрэне неймаверныя прыгоды.

"Калядныя лісты", 2010

Жанчына на імя Крысці працуе на пошце і адказвае на лісты, адрасаваныя Санта Клаўсу. Яна атрымлівае пасланне ад маленькай Эмілі. Дзяўчынка просіць Санту знайсці жонку для ягонага роднага дзядзькі, які расчараваўся ў жыцці паштара. Крысці адказвае на ліст дзяўчынкі і прыдумляе развязанне праблемы. Гэтае кіно апавядае дзіўную гісторыю двух людзей, якіх аб'ядналі Каляды.

"Новая Калядная казка", 1988

Кіно з'яўляецца камедыйнай адаптацыяй вядомай "Каляднай песні ў прозе" Чарльза Дыкенса. Нячулы і самазакаханы цынік Фрэнк заклапочаны толькі зарабляннем грошай і мае жорсткае пачуццё гумару. Ён зусім не шануе іншых людзей і не клапоціцца аб іхніхпачуццях. Каб правучыць багатага псяюху, найвышэйшыя сілы пасылаюць яму трох зданяў.

"Чарлі і шакаладная фабрыка", 2005

Хлопчык на імя Чарлі жыве ў вельмі беднай сям'і ў старым доме. Аднойчы хлопчык на астатнія грошы купляе шакаладку, у якой знаходзіцца латарэйны білет на экскурсію на шакаладную фабрыку дзівака Вілі Вонкі. Гэтую фабрыку марыць наведаць кожнае дзіця. Чарлі ды чацвёра іншых шчасліўцаў, якія здабылі ў латарэі, прыязджаюць на фабрыку, дзе іх сустракаюць дзівосныя цуды і павучальныя гісторыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com