Беларусам, якія ваююць ва УСУ, падоўжаць часовы дазвол на жыхарства

Кабмін Украіны ўнёс змены ў пастанову аб грамадзянстве.

Кабінет міністраў даў магчымасць працягваць дзеянне часовага пасведчання грамадзяніна Украіны для расейцаў і беларусаў. Гэта датычыцца людзей, якія ваююць за Украіну.

Пра гэта паведамляе РБК-Украіна са спасылкай на прадстаўніка ўрада ў Вярхоўнай Радзе Тараса Мельнічука.

З яго слоў, гэтая магчымасць прадугледжаная з мэтай рэалізацыі паводле закона "Аб унясенні змяненняў у некаторыя законы Украіны наконт прававога статусу замежнікаў і асоб без грамадзянства, якія ўдзельнічаюць у абароне тэрытарыяльнай цэласнасці і недатыкальнасці Украіны".

Пад дзеянне пастановы трапляюць грамадзяне Расеі і Беларусі, якія ў перыяд з 24 лютага 2020 года набылі грамадзянства Украіны і падалі абавязацельства спыніць замежнае грамадзянства цягам двух гадоў, але тэрмін выканання абавязацельства скончыўся.

У часовае пасведчанне грамадзяніна Украіны асобам, якія бяруць удзел у абароне тэрытарыяльнай цэласнасці і недатыкальнасці Украіны, будзе ставіцца адзнака аб падаўжэнні тэрміну яго дзеяння.

Гэта могуць рабіць Дзяржаўная міграцыйная служба, дыпламатычныя прадстаўніцтвы і консульствы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com