Што прыгатаваць на Каляды: 12 посных страваў

У хрысціянскага свята ёсць свае кулінарныя традыцыі.

7 студзеня праваслаўныя святкуюць Нараджэнне Хрыстова. Пры гэтым 6 студзеня – самы строгі дзень 40-дзённага посту, калі вернікі не ядуць да першай зоркі. З надыходам цемры на Святы вечар сям'я збіраецца за сталом. Паводле традыцыі, падаюць 12 посных страваў (гэта звязана з лікам апосталаў Хрыста – рэд.), дазваляецца рыба. А рана ранкам 7 студзеня вернікі адпраўляюцца ў царкву і ўжо пасля святочнай службы ставяць на стол пачастункі з мяса і птушкі, піша strana.ua.

Дванаццаць посных страваў на Каляды

1. Калядная куцця – галоўнае страва каляднай вячэры на Святы вечар. У розных рэгіёнах яе таксама называюць коліва, канун, сочыва. Гэта страва з зерня пшаніцы, ячменю або рысу. Папярэдне іх замочваюць у халоднай вадзе на ноч (акрамя рысу), а пасля гатуюць на слабым агні пад вечкам. Суадносіны крупаў і вады 1:5. Калі гэта мультыварка, то трэба выбраць рэжым "тушэнне" ці "каша". Гатовую страву запраўляюць мёдам, расцёртым насеннем маку (яго трэба заліць гарачай вадой, а потым працадзіць), арэхамі, разынкамі.

2. Варэнікі з капустай і бульбай

Папулярная і смачная страва на калядным посным стале – варэнікі з капустай, бульбай, грыбамі, замарожанымі вішнямі.

3. Галубцы

Яшчэ адзін варыянт – посныя галубцы з начыннем з проса ці рысу з гароднінай, альбо з тушанай капустай. Тушыць іх можна на павольным агні ў сумесі з агародніннага булёну і таматавай пасты, дадаўшы ў рондальчык лаўровы ліст.

4. Вінегрэт – смачная і простая посная страва на аснове адварной гародніны: буракі, морква, бульба. Да іх дадаюць звараную фасолю, квашаную капусту, салёныя агуркі. На жаданне капусту можна замяніць зялёным гарошкам, марынаванымі грыбамі. Перад падачай страву можна пасыпаць зялёнай цыбуляй і апырскаць алеем.

5. Капусняк – гэта посны боршч з кіслай капусты, бульбы, морквы, буракоў і цыбулі з просам. Пры гэтым гародніну не абсмажваюць, а тушаць разам з бульбай. Можна дадаць пастарнак або салеру.

6. Тушаная капуста з грыбамі. Сытная і смачная посная страва – тушаная капуста з грыбамі, цыбуляй і морквай. Для водару ў канцы гатавання можна дадаць лаўровы ліст, пасыпаць молатай каляндрай.

7. Адварная або запечаная бульба. Гарнірам могуць стаць адварныя кавалачкі бульбы. Падаваць найлепш гарачай, пасыпаўшы зелянінай, чорным перцам, дадаць трохі часнаку, апырскаць аліўкавым алеем. Ці можна падаць запечаную бульбу з прыправамі і часнаком.

8. Рыба. На стол можна паставіць запечаную цалкам або адварную рыбу.

9. Саленні – таксама можна палічыць за асобныя стравы. На стол можна паставіць салёныя агуркі, памідоры, квашаную капусту, моркву ці капусту па-карэйску, для аматараў – салату з марской капусты.

10. Чарнасліў з салодкім начыннем. Яго трэба прамыць і заліць на 15 хвілінаў гарачай вадой. Пры наяўнасці выдаліць костачкі і запоўніць начыннем. Гэта могуць быць арэхі, бананы з апельсінавай цэдрай. Можна паліць чарнасліў мёдам.

11. Запечаныя яблыкі – яшчэ адна страва на дэсерт. Палоўкі яблыкаў з вынятым асяродкам запякаюць у духоўцы, напоўніўшы іх арэхамі і мёдам. Гатовыя пасыпаюць карыцай. Запякаць лепш на фользе, каб яны не прысталі.

12. Узвар з сухафруктаў – традыцыйны для Раства напой на стале. Гатуюць гэты кампот з сухафруктаў, дадаюць цукар на смак і падаюць астуджаным.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com